ಕೋವಿಡ್ ಲಸಿಕೆಗೆ ಕಚ್ಚಾ ಪದಾರ್ಥ : ಅಜಿತ್ ದೊವಲ್ ದೂರವಾಣಿ ಕರೆ ಬೆನ್ನಲ್ಲೇ, ರಪ್ತು ಪುನರಾರಂಭಿಸಲು ಅಮೇರಿಕ ಒಪ್ಪಿಗೆ | ಜನತಾ ನ್ಯೂಸ್
1630
ವಾಶಿಂಗ್ಟನ್ : ರಾಷ್ಟ್ರೀಯ ಭದ್ರತಾ ಸಲಹೆಗಾರ(ಎನ್ಎಸ್ಎ) ಅಜಿತ್ ದೋವಲ್ ಅವರು ಅಮೆರಿಕಾದ(ಯುಎಸ್) ಎನ್ಎಸ್ಎ ಜೊತೆ ಭಾನುವಾರ ದೂರವಾಣಿಯಲ್ಲಿ ಮಾತನಾಡಿದರು. ಈ ಸಂಭಾಷಣೆಯ ನಂತರ, ಕೋವಿಡ್ ಲಸಿಕೆ ಉತ್ಪಾದನೆಗೆ ಬೇಕಾದ ಕಚ್ಚಾ ವಸ್ತುಗಳನ್ನು ಭಾರತಕ್ಕೆ ಆಮದು ಮಾಡಿಕೊಳ್ಳಲು ಯುಎಸ್ ಈಗ ಒಪ್ಪಿದೆ. ಇದಕ್ಕೂ ಮೊದಲು ಅಮೇರಿಕ ಲಸಿಕೆ ತಯಾರಿಸಲು ಬೇಕಾದ ಕಚ್ಚಾ ಪದಾರ್ಥಗಳನ್ನು ರಪ್ತು ಮಾಡುವುದನ್ನು ನಿಲ್ಲಿಸಲು ಮುಂದಾಗಿದ್ದು, ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು.
ಅಮೆರಿಕದ ರಾಷ್ಟ್ರೀಯ ಭದ್ರತಾ ಮಂಡಳಿ(ಎನ್‌ಎಸ್‌ಸಿ)ಯ ವಕ್ತಾರರು ಭಾನುವಾರ ಅಮೆರಿಕದ ರಾಷ್ಟ್ರೀಯ ಭದ್ರತಾ ಸಲಹೆಗಾರ(ಎನ್ಎಸ್ಎ) ಜೇಕ್ ಸುಲ್ಲಿವಾನ್ ಅವರು ಭಾರತದ ಪ್ರತಿರೂಪ ಅಜಿತ್ ದೋವಲ್ ಅವರ ಫೋನ್‌ನಲ್ಲಿ ಮಾತನಾಡಿದ್ದಾರೆ ಎಂದು ಹೇಳಿಕೆ ನೀಡಿದ್ದಾರೆ.
ಭಾರತದಲ್ಲಿನ ಕೋವಿಡ್ ಸ್ಥಿತಿಯ ಬಗ್ಗೆ ಜೆಕ್ ಸಹಾನುಭೂತಿ ವ್ಯಕ್ತಪಡಿಸಿದ್ದು, ಕೋವಿಡ್ ಪರಿಸ್ಥಿತಿಯಲ್ಲಿ ಭಾರತದೊಂದಿಗೆ ಒಗ್ಗಟ್ಟನ್ನು ಪುನರುಚ್ಚರಿಸಿದ್ದಾರೆ. ಅಲ್ಲದೆ, ಭಾರತ ಹಾಗೂ ಅಮೆರಿಕ ಜೊತೆಗೂಡಿ ಕೋವಿಡ್-19 ಮಹಾಮಾರಿ ಹೋರಾಟ ಮುಂದುವರಿಸಲಿದೆ. ಸಂಕ್ರಾಮಿಕದ ಆರಂಭದಲ್ಲಿ ನಮ್ಮ ಆಸ್ಪತ್ರೆಗಳು ತೀವ್ರ ತೊಂದರೆಯಲ್ಲಿದ್ದಾಗ ಭಾರತ ಹೇಗೆ ತನ್ನ ಸಹಾಯವನ್ನು ಕಳುಹಿಸಿತ್ತೋ, ಅದೇರೀತಿ ಅಮೆರಿಕಾ ಭಾರತಕ್ಕೆ ತನ್ನ ಸಹಾಯ ಕಳಿಸಲಿದೆ, ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ನಿಟ್ಟಿನಲ್ಲಿ ಅಮೆರಿಕ ಹಗಲು-ಇರುಳು ಇರುವ ಸಂಪನ್ಮೂಲ ಮತ್ತು ರಫ್ತನ್ನು ಕಳುಹಿಸಲು ಶ್ರಮಿಸುತ್ತಿದೆ. ಭಾರತೀಯ ಕೊವಿಶಿಲ್ದ್ ವ್ಯಾಕ್ಸಿನ್ ತಯಾರಕರಿಗೆ ಅತ್ಯಾವಶ್ಯಕ ನಿರ್ದಿಷ್ಟ ಕಚ್ಚಾವಸ್ತುಗಳ ಮೂಲವನ್ನು ಅಮೇರಿಕಾ ಪತ್ತೆ ಹಚ್ಚಿದ್ದು, ಅತಿ ಶೀಘ್ರದಲ್ಲಿ ಅವನ್ನು ಕಳುಹಿಸಲಾಗುವುದು. ಇದಲ್ಲದೆ ಮುಂಚೂಣಿ ಹೋರಾಟಗಾರರನ್ನು ರಕ್ಷಿಸಲು ಎಪಿಪಿಇ ಕಿಟ್ ಸೇರಿದಂತೆ ತೆರಪೇತಿಕ್ಸ್, ರಾಪಿಡ್ ಡಯಾಗ್ನೋಸ್ಟಿಕ್ಸ್ ಟೆಸ್ಟ್ ಕಿಟ್ಸ್ ಮತ್ತು ವೆಂಟಿಲೇಟರ್ ಗಳನ್ನು ಅತಿಶೀಘ್ರದಲ್ಲಿ ಭಾರತಕ್ಕೆ ಕಳುಹಿಸಲಾಗುವುದು.
2022 ರ ವೇಳೆಗೆ ಭಾರತೀಯ ಲಸಿಕೆ ತಯಾರಕ ಬಯೋ-ಇ ಉತ್ಪಾದನಾ ಸಾಮರ್ಥ್ಯವನ್ನು ವರ್ಷಕ್ಕೆ 1 ಬಿಲಿಯನ್ ಪ್ರಮಾಣದಲ್ಲಿ ಹೆಚ್ಚಿಸಲು ಅಮೆರಿಕದ ಅಭಿವೃದ್ಧಿ ಹಣಕಾಸು ನಿಗಮದಿಂದ ಹಣಕಾಸಿನ ನೆರವು ನೀಡಲು ನಿರ್ಧರಿಸಲಾಗಿದೆ.
ಯುಎಸ್ ಸಿಡಿಸಿ ಭಾರತಕ್ಕೆ ಸಹಾಯ ಮಾಡಲು ತನ್ನ ತಜ್ಞರ ತಂಡವನ್ನು ಸಹ ನಿಯೋಜಿಸುತ್ತಿದೆ, ಇದು ಯುಎಸ್ ರಾಯಭಾರ ಕಚೇರಿ, ಭಾರತದ ಆರೋಗ್ಯ ಸಚಿವಾಲಯ ಮತ್ತು ಭಾರತದ ಸಾಂಕ್ರಾಮಿಕ ಗುಪ್ತಚರ ಸಿಬ್ಬಂದಿಗಳೊಂದಿಗೆ ನಿಕಟವಾಗಿ ಕಾರ್ಯನಿರ್ವಹಿಸುತ್ತದೆ. ಇದಲ್ಲದೆ, ಸಿಡಿಸಿ ತನ್ನ ಜಾಗತಿಕ ನಿಧಿಯಿಂದ ಭಾರತಕ್ಕೆ ಸಂಪನ್ಮೂಲಗಳನ್ನು ಒದಗಿಸುವಲ್ಲಿ ತೊಡಗಿದೆ, ಎಂದು ಎನ್‌ಎಸ್‌ಸಿ ವಕ್ತಾರರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
